Të nderuar klientë, Dëshirojmë t'ju informojmë lidhur me një SMS (shih imazhin e mëposhtëm), i cili pretendon se është dërguar nga banka jonë dhe ka për synim të mashtrojë duke marrë informacionin tuaj personal dhe të ndjeshëm. Ju lutemi, mos ndani asnjë të dhënë me faqe ose burime që nuk janë kanalet tona zyrtare. Keni parasysh se uebfaqja zyrtare e bankës sonë është https://www.raiffeisen-kosovo.com/ ndërsa për çdo pyetje apo paqartësi, ju mund të kontaktoni Qendrën e Kontaktit (038 222 222), e cila është në dispozicionin tuaj në çdo kohë. Ju rikujtojmë se përdorimi i mesazheve telefonike, të cilat pretendojnë se dërgohen nga kompani legjitime, është një metodë e shpeshtë mashtrimi. Këto mesazhe zakonisht kërkojnë një veprim urgjent, duke mashtruar se ka një problem me llogarinë tuaj bankare ose një shpërblim që duhet të merrni menjëherë. Qëllimi i tyre është t’ju bëjnë të klikoni në një lidhje të rrezikshme ose të ndani informacion të ndjeshëm. Për më shumë informacion rreth kësaj forme të mashtrimit dhe për këshilla të tjera sigurie, mund të lexoni disa nga artikujt tanë informues: Këshilla sigurie

Shifrat paraprake të biznesit për vitin 2024 Fitim i qëndrueshëm i konsoliduar prej 975 milionë eurosh në grupin bazë Në vitin 2024, Raiffeisen Bank International (RBI) gjeneroi një fitim të konsoliduar prej 975 milionë eurosh në grupin e saj bazë, d.m.th. duke përjashtuar Rusinë dhe Bjellorusinë. Kjo përfshinte provizionet për kredi në valutë të huaj në Poloni në vlerën 649 milionë euro. Fitimi i konsoliduar duke përfshirë Rusinë dhe Bjellorusinë arriti në rreth 1.2 miliardë euro. "RBI arriti një rezultat të kënaqshëm në vitin 2024, pavarësisht tarifave masive të jashtëzakonshme. Shitja e Priorbank në Bjellorusi na mundësoi të reduktojmë rrezikun politik të RBI-së. Reduktimi i biznesit në Rusi po bën përparim të mirë," tha Johann Strobl, CEO i RBI-së. Rënie e theksuar e kostove të riskut Kostot e riskut gjithashtu ranë në vitin financiar 2024. Në shumën prej 125 milionë euro, ato ishin dukshëm më të ulëta se një vit më parë (391 milionë euro). Ndërsa viti i kaluar ishte karakterizuar kryesisht nga provizionet në zyrën qendrore, në Rusi dhe në Ukrainë, kishte lirime neto në Rusi në vitin raportues për shkak të shlyerjeve dhe lirimeve të mbivendosjeve (rregullimeve-overlays). Situata në zyren qendrore të grupit u zhvillua në drejtim të kundërt, me provizione shtesë për financimin e patundshmërive dhe klientët e korporatave. Reduktimi i përshpejtuar i biznesit në Rusi RBI vazhdoi të zvogëlojë ndjeshëm biznesin e saj rus në vitin financiar 2024. Vëllimi i kredisë në Rusi u zvogëlua me 30 për qind. Në fund të vitit 2024, ajo arriti në vetëm 4.2 miliardë euro. Depozitat nga klientët janë ulur me 35 për qind. Biznesi i pagesave në valutë nga Rusia u kufizua më tej. Kapitali i zakonshëm i klasit 1 (kalimtar) prej 17.1 për qind Raporti CET 1 i RBI arriti në 17.1 për qind në fund të vitit 2024. Në rast të dekonsolidimit të biznesit rus në këtë moment kohor pa konsideratë, d.m.th. me një raport të vlerës së tregut ndaj vlerës kontabël (price-to-book ratio) prej 0, raporti CET 1 do të ishte ende 15.1 për qind. “Për shkak të kapitalizimit tonë të mirë, ne dëshirojmë t'u propozojmë aksionerëve tanë një dividend prej 1.10 euro për aksion për vitin 2024,” tha Strobl. Perspektiva Udhëzimi i mëposhtëm i referohet RBI-së me përjashtim të Rusisë. · Në vitin 2025, të ardhurat neto nga interesi priten në shumën rreth 4.15 miliardë euro dhe të ardhurat neto nga tarifat dhe komisionet rreth 1.95 miliardë euro. · RBI pret që kreditë për klientët të rriten me 6 deri në 7 për qind. · RBI pret shpenzime të përgjithshme administrative rreth 3.45 miliardë euro, duke rezultuar në një raport kosto/të ardhura prej rreth 52.5 për qind. · Raporti i provizionimit – përpara përdorimit të mbivendosjeve/rregullimeve (overlays) – pritet të jetë deri në 50 pikë bazë. · Kthimi i konsoliduar në ekuitetin pritet të jetë rreth 10 për qind në vitin 2025. · Në fund të vitit 2025, RBI pret një raport CET1 prej rreth 15.2 për qind*. · Në afat të mesëm, RBI synon të arrijë një kthim të konsoliduar në ekuitett prej të paktën 13 për qind, duke përjashtuar Rusinë dhe duke përjashtuar provizionet dhe koston ligjore për kreditë në valutë të huaj në Poloni. · Çdo vendim për dividentët do të bazohet në pozicionin e kapitalit të grupit me përjashtim të Rusisë. * duke supozuar një skenar "P/B Zero" të dekonsolidimit të Rusisë https://www.rbinternational.com

- Linja kreditore e BERZH-it prej 5 milionë € e kombinuar me incentivat e investimeve të financuara nga BE-ja për NMVM-të në Kosovë - Të paktën një e treta e projekteve do t'i mbështetin investimet në sektorin e agrobiznesit - 25 për qind e përfituesve do të jenë NMVM të udhëhequra nga gratë Banka Evropiane për Rindërtim dhe Zhvillim (BERZH) po rrit investimet në ekonominë e gjelbër në Kosovë në bashkëpunim me Bashkimin Evropian (BE) dhe Raiffeisen Bank në Kosovë. BERZH-i do të sigurojë financim deri në 5 milionë eurosh për banken për huadhënien e mëtejshme për ndërmarrjet mikro, të vogla dhe të mesme në kuadër të programit SME Go Green, i lansuar me mbështetjen e BE-së. Fondet i dedikohen plotësisht investimeve në ekonominë e gjelbër, duke përfshirë efiçencën e energjisë, efiçencën e burimeve dhe investimet në energjinë e ripërtëritshme, që pritet të kontribuojnë në reduktimin e emetimeve të gazrave serrë në vend. Bizneset vendore do të kenë mundësinë të aplikojnë për financim për të investuar në ambiente industriale, pajisje, softuer, automjete elektrike apo masa për energjinë e ripërtëritshme. Së paku një e treta e kredisë së BERZH-it për RBKO-në do t'i dedikohet investimeve brenda zinxhirit të vlerës të agrobiznesit. Njëzet e pesë për qind e financimit do të shkojë për NMVM-të e udhëhequra nga gratë. Me përfundimin me sukses të projekteve të tyre investuese, NMVM-të do të kenë të drejtë për një grant me kthim parash prej 10 për qind të shumës së kredisë, ose 15 për qind për investime në energjinë e ripërtëritshme dhe zinxhirin e vlerës të agrobiznesit. Drejtori i BERZH-it për Kosovën, Maslichenko, tha: “Jemi krenarë që vazhdojmë mbështetjen tonë për NMVM-të në Kosovë, një komponent jetik i ekonomisë së vendit, me programe të ndryshme të përshtatura për nevojat e tyre. Kjo nismë është thelbësore për të shtyrë përpara tranzicionin e gjelbër në nivel më të detajuar, duke ndihmuar bizneset vendore ta arrijnë qëndrueshmërinë dhe ta rrisin reziliencën e tyre. Me BE-në dhe Raiffeisen Bank në Kosovë si partnerët tanë, ne jemi të pozicionuar mirë për ta nxitur një sektor privat më të gjelbër në vend." Banka Raiffeisen është banka më e madhe komerciale në Kosovë dhe partnere e BERZH-it që nga viti 2019, me histori të dëshmuar me linjat e kreditimit të NVM-ve. Drejtoresha Ekzekutive e Bankës Raiffeisen në Kosovë, znj. Anita Kovacic, tha: “Jemi të kënaqur që e vazhdojmë partneritetin tonë të gjatë me BERZH-in në këtë program që fuqizon bizneset e Kosovës, veçanërisht ato të udhëhequra nga gratë, për të adoptuar praktika të qëndrueshme. Bizneset mikro dhe të vogla janë shtylla kurrizore ekonomike e Kosovës dhe ne jemi të përkushtuar ta mbështesim rritjen dhe qëndrueshmërinë e tyre.” RBKO bëhet institucioni i parë financiar partner në Kosovë që përfiton nga programi i BERZH-it "SME Go Green", pas lansimit të tij zyrtar në vend në shtator 2024. BERZH-i është investitori më i madh institucional në Kosovë me projekte si në sektorin privat ashtu edhe në atë publik. Banka ka investuar rreth 680 milionë euro përmes mbi 110 projekteve që nga fillimi i veprimtarisë në vend në vitin 2012.

Dje u shënua një moment i rëndësishëm për peizazhin teknologjik të Kosovës me inaugurimin e Raiffeisen Tech Kosovo. Kjo kompani e re, e themeluar si një degë e Raiffeisen Tech në Vjenë, do të mbështes rrjetin e Raiffeisen Bank International AG në fushën e IT-së. Raiffeisen Tech Kosova përbëhet nga rreth 100 profesionistë të teknologjisë. Ata kanë operuar si pjesë e Qendrës së Kompetencës brenda Raiffeisen Bank në Kosovë përpara se të kalonin në këtë njësi të re. Themelimi i Raiffeisen Tech Kosova shpërfaq gatishmërinë e rinisë sonë të punojë me kompanitë ndërkombëtare, por gjithashtu thekson edhe angazhimin e RBI-së për avancimin e investimeve të tyre teknologjike. Përfaqësuesit e institucioneve të Kosovës, Raiffeisen Bank International dhe Bankës Raiffeisen në Kosovë morën pjesë në një ceremoni inaugurimi të enjten në Prishtinë. Duke iu drejtuar të ftuarve, znj. Anita Kovacic, Drejtoreshë Ekzekutive e Bankës Raiffeisen në Kosovë, e përshkroi këtë zhvillim si një moment të rëndësishëm si për Raiffeisen ashtu edhe për Kosovën. "Kjo është një mundësi e shkëlqyer për talentët e Kosovës të shkëlqejnë në skenën globale,” tha ajo. Ministrja e Industrisë, Ndërmarrësisë dhe Tregtisë, znj. Rozeta Hajdari, tha se Qeveria e Kosovës po ndërton një sistem të qëndrueshëm qeverisës për kërkime, zhvillim dhe inovacion, ku përmes politikave dhe instrumenteve qeveritare për zhvillim të inovacionit dhe ndërmarrësisë, po rrit hapësirat dhe mbështetjen financiave për rininë e talentuar kosovare si resursi kryesor për zhvillim socio ekonomik dhe transformim të përgjithshëm në vendin tonë. Guvernatori i Bankës Qendrore të Kosovës, z. Ahmet Ismaili, tha se shërbimet financiare digjitale dhe fintech janë duke përmirësuar qasjen në financa, në përputhje me angazhimin e Bankës Qendrore për zhvillimet rregullatore dhe teknike. Trajtimi i duhur i çështjeve të sigurisë kibernetike, mbrojtja e konsumatorëve dhe edukimi financiar mbetet një detyrë që kërkon angazhim të vazhdueshëm. Ai ishte i kënaqur të shihte se zhvillimi i sotëm, ndër të tjera, kontribuon në këtë drejtim. Znj. Elisabeth Geyer-Schall, Udhëheqëse e IT-së, të Dhënave dhe Platformave në Grupin RBI, dhe z. Harald Schaschinger, CEO i Raiffeisen Tech, ishin gjithashtu pjesë e ngjarjes dhe iu drejtuan mysafirëve me një fjalë rasti. Z. Bujar Ibrahimi, Menaxher i Përgjithshëm i Raiffeisen Tech Kosova, dhe znj. Drenusha Shehu Pula, Menaxhere e Operacioneve, falënderuan mysafirët dhe ofruan një përmbledhje të shkurtër të kompanisë.

RBI: Raporti i ndërmjetëm tremujori i parë 2024 Fitim i konsoliduar prej 664 milionë euro Raport prej 17.3 për qind i kapitalit të përbashkët të klasit të parëFitimi i konsoliduar duke përjashtuar kontributet nga Rusia dhe Bjellorusia arrin në 333 milionë euro, duke përfshirë provizionet për kreditë CHF në Poloni që në total arrijnë në 109 milionë euro Raiffeisen Bank International (RBI) gjeneroi një fitim të konsoliduar prej 664 milionë euro në tremujorin e parë të vitit 2024 (TM1/2023: 657 milionë euro). Kostot e rrezikut ranë me për shumë se 90 për qind krahasuar me të njëjtën periudhë të vitit paraprak.  "RBI pati fillim të mirë në vitin financiar 2024. Trendi i të fitimeve është në përputhje me pritjet tona. Rënia e kostove të rrezikut është shumë e kënaqshme", tha Johann Strobl, CEO i RBI. Të ardhurat më të larta nga interesi në Evropën Qendrore dhe Juglindore rezultuan në një rritje prej 70 milionë euro në të ardhurat neto nga interesi, në 1,455 milionë euro. Me 25 milionë euro, Sllovakia raportoi rritjen më të madhe, kryesisht për shkak të të ardhurave më të larta të nxitura nga norma e interesit nga kreditë konsumatore dhe nga depozitat në bankën kombëtare. Të ardhurat neto nga tarifat dhe komisionet u ulën për 297 milionë euro, në 669 milionë euro. Rusia regjistroi rënien më të madhe me 287 milionë euro, ndërsa vendet e tjera të grupit treguan zhvillim të qëndrueshëm. Rënie e madhe në kostot e rrezikut Me 25 milionë euro, humbjet nga rënia në vlerë e aseteve financiare ishin dukshëm më të ulëta në periudhën raportuese sesa 301 milionë euro të raportuara në periudhën e krahasueshme, të cilat kryesisht ishin regjistruar në Evropën Lindore. Për kreditë në vonesë (Faza 3), rëniet neto në vlerë prej 92 milionë euro u njohën në periudhën raportuese (periudha e vitit paraprak: 63 milionë euro neto), zërat më të mëdhenj ishin 66 milionë euro për kompanitë jofinanciare dhe 31 milionë euro për amvisëritë. Në nivel vendi, humbjet nga rënia në vlerë e Fazës 3 u shkaktuan kryesisht në Rusi (43 milionë euro). Në Fazën 1 dhe Fazën 2, lëshimet neto prej 66 milionë euro u njohën në periudhën raportuese, më së shumti në Hungari, Rusi dhe Ukrainë (periudha e vitit paraprak: humbje nga rënia në vlerë prej 238 milionë euro, prej tyre 223 milionë euro në Rusi). Raporti CET1 (kalimtar) në 17.3 për qind Raporti CET1 i RBI duke përfshirë rezultatet e tremujorit të parë arriti në 17.3 për qind në fund të tremujorit të parë. Nëse banka filiale ruse do të ishte dekonsoliduar pa marrë parasysh kapitalin e saj, raporti do të kishte arritur në 14.6 për qind, që do të ishte shumë më i lartë se kërkesat rregullatore. Perspektiva për të ardhmen Udhëzimi i mëposhtëm i referohet RBI-së me përjashtim të Rusisë dhe Bjellorusisë. Udhëzimi i vitit 2024 për grupin duke përfshirë Rusinë dhe Bjellorusinë është pezulluar duke pasur parasysh kërkesën e BQE-së për të përshpejtuar reduktimin e punës në Rusi. ·     Në vitin 2024, të ardhurat neto nga interesi pritet të jenë rreth 4.0 miliardë euro dhe të ardhurat neto nga tarifat dhe komisionet rreth 1.8 miliardë euro. ·     RBI pret që kreditë konsumatore të rriten për 3 deri në 4 për qind. ·     RBI pret shpenzime të përgjithshme administrative prej rreth 3.3 miliardë euro, duke rezultuar në një raport kosto/të ardhura prej rreth 52 për qind. ·     Raporti i provizionimit – përpara përdorimit të mbivendosjeve – pritet të jetë rreth 50 pikë bazë. ·     Kthimi i konsoliduar nga kapitali pritet të jetë rreth 10 për qind në vitin 2024. ·     Në fund të vitit 2024, RBI pret një raport CET1 prej rreth 14.6 për qind*. ·     Çdo vendim për dividentët do të bazohet në pozicionin e kapitalit të grupit me përjashtim të Rusisë. *Në një skenar të dekonsolidimit të Rusisë 'P/B Zero'. Qasjen në raportet financiare të RBI mund ta siguroni këtu. Për më shumë informata, ju lutemi kontaktoni: Christof Danz (+43-1-71 707-1930, christof.danz@rbinternational.com) Andrea Pelinka-Kinz (+43-1-71 707-8787, andrea.pelinka-kinz@rbinternational.com) http://www.rbinternational.com

Banka Raiffeisen në Kosovë ka publikuar Raportin Vjetor për vitin 2023. Ky raport ofron një pasqyrë të hollësishme të zhvillimeve kryesore dhe performancës financiare. Me rezultate të shkëlqyera në treguesit kryesorë financiar, Banka Raiffeisen në Kosovë ruajti pozicionin e saj si lidere në treg, duke shënuar rritje pavarësisht kushteve dinamike ekonomike. Gjithashtu, banka ka vazhduar të përmirësojë produktet dhe shërbimet e saja në mënyrë që të ofrojë një përvojë superiore bankare. Ky përkushtim u shpërblye me zgjerim të klientelës së bankës. Drejtoresha Ekzekutive e Bankës, znj. Anita Kovacic, në deklaratën e saj si pjesë e Raportit, thekson: “Në vitin 2023 festuam një moment të rëndësishëm të veprimtarisë për dy dekada në Kosovë. Nisur nga konteksti në të cilin kemi hyrë në treg në vitin 2003, mund të thuhet me siguri se banka ka pasur një rrugëtim unik rritjeje së bashku me klientët, partnerët dhe punonjësit. Dhe banka do të vazhdojë të llogarisë në ta, ndërsa shikon drejt një të ardhmeje të ndritur”. RAPORTI I PLOTË